December Ki Baarish Mein

December Ki Baarish Mein
Bheegtay Peroo'n Say Pocho 
Akela Pan Kya Hai? 
Tanhai Kisay Kehtay Hain? 
Seh-Peher Ki Dhuup Ko Tarashna 
Aur Barish Mein Bheegtay Rehna 
Jangal Ki Raaho'n Mein Akelay Chalna 
Aur Barish Mein Bhegtay Rehna

December Ki Barish Mein

Leher-dar-Leher Mehekti Hawa Say Pocho
Khushbo Sa Khayal Rakhne Wale 
Tanha Kaise Rehte Hain?
Bhegti hain sard Raatein 

December Ki Barish Say Kaho

Kabhi Jungle K Us Paar Mile 
Dhaltay Hon Sham K Saaye mein 
To Unn Aankhon Say Milay
December Ke Barish Say Kaho,,

Dekh December Ab mat ana

Dekh December Ab mat ana Dekh 
December Mere andar kitnay sehra 
phail chukay hain 

Tanhai ki rait ne mere  Saaray dariya 
paat diye hain Ab main hoon
Aur mere banjar pan ki bojhalta hai 

Dekh December Teri baraf shabo'n 
mein  Teri be-khawb shabo'n mein 
Khuwab sweater kon bunay ga Rooh 
k andar girti barfain kon chunay ga

Dekh december Apnay dukh ki baraf 
pehn kar  Dhoop Diyaro'n tak mat jana 
Mere piyaro'n tak mat jana 
Dekh december Ab mat ana Ab mat ana..

December aa gaya jaanan Ke phir ek saal

December aa gaya jaanan Ke phir ek saal
Teri yaad ke samandar mein Utar kar jane 
wala hai

Yeh dil phir roney wala hai Tumhen kuch 
yaad hai jaanan..?

Isi pichle december mein Tumhi ne mujh 
ko likha tha Ke naya jo saal aye ga Us mein 
mil ke rehna hai

Bahot se piyar ke waadey Bohat si an kahi 
baten Hamen tehreer karni hain Mohabbat 
ki nayi nazmen Hamen is baar likhni hain

Magar janaan Wohi raten Wohi shaamen
Wohi khushbu Wohi nazmen Mujhe har 
waqt kehti hain December loat aya hai

Magar, tera sathi nahi aya December aa 
gaya jaanan December aa gaya jaanan...

Kiyoun har baat pe koste hain log December ko

Kiyoun har baat pe koste hain log 
December ko...?
Kiya december ne kaha tha Mohabbat 
karo,,,

Koi jazba adhora reh gaya hai

Koi jazba adhora reh gaya hai

December aansu’on mein beh gaya hai

Yeh dil khamosh ho kar reh gaya hai

Na-jane aaj woh kya keh gaya hai

Yeh aannkhen hain hamari kitni gehri

Samandar mein samundar beh gaya hai

Tumhare sath wabasta tha sab kuch

Siwaye yaad ke kya reh gaya hai

Palat kar dekhne per hum ne jana

Dil-e-nadaan kya kya seh gaya hai

Bahot bheerr hai bazaron mein lekin

Tera Arshad akela reh gaya hai,,

Kaha tha ye December mein Hamen tum Milne aao ge

Kaha tha ye December mein
Hamen tum Milne aao ge
December kitne guzre hain
Tumhari raahon ko taktay
Na-janay kis December mein
Tumhen Milne ko aana hai

Hamari to December ne
Bahot ummeeden tori hain
Baray sapne bakhaire hain
Hamari raah takti muntazir
Pur-num nigahon mein
Sawan ke jo deray hain
December ke hi tohfay hain

December phir se aya hai
Jo tum ab bhi na aye to
Phir tum dekhna khud hi
Tumhari yaad mein ab ke
Akele hum na roen ge
Hamara saath dene ko
Sawan ke bharay baadal
Galay mil mil ke roen ge
Phir itna paani barse ga
Samandar seh na paye ga

Karo na zid chale aao
Rakha hai kia December mein
Dilon mein piyar ho to phir
Maheenay saaray achay hain
Kisi bhi piyaray mausam mein
Chupkay se chale aao
Sajan ab maan bhi jao
December to December hai
December ka bharosa kia
December beet hi jaye ga,,,

December ki thitharti aik shab

December ki thitharti aik shab woh mere 
paas aai mujhe kehne lagi ke 
Aaj sab kuch chor aai hoon tumhare piyar 
mein saare hi rishte tor aai hoon

woh ghabrai hui, tooti hui, bikhri hui larki
mujhe kehne lagi ke utho Yahan se door 
chaltay hain bahot hi door chaltay hain

Tumharay bin kissi soorat mujhay zinda 
nahi rehna mujhay zinda nahi rehna, 
mujhay zinda nahin rehna

woh zaar-o-zaar ro di aur phir mujh mein 
simat aai woh apne aansu se bas  ''''  yahi 
faryad karti thi

chalo jaldi karo iss shehar se hum bhag 
chaltay hain bahot hi door chaltay hian
uss aik saal mein main ne baar haa socha
k us k hukam par us k kahe par sar jhuka 
doon

yeh socha baar haa us ko bhaga kar door le jaoon woh ik tooti hui larki woh mere piyar 
mein mehki hui masoom si larki
mere seenay se lag kar der tak roti rahi

uss shab woh iss ehsaas mein gum thi keh manzil mil gai uss ko mere khamosh 
chehray ki taraf woh dekhti bas dekhti jaati

uss ik sa'at mere andar kai toofaan barpa 
thay na-janay kis tarah main ne  kaha uss se
keh bas ab laut jao laut jana phir nahi aana

“khuda ra phir nahi aana”meri yeh baat 
sun kar uss nay ik be yaqeeni se mujhe 
dekha woh larki shidat-e-gham se tarap 
uthi sulag uthi

sakoot'E marg kay aalam mein woh 
darwazay ki janib aik dam lapki woh larki 
phir nahi aai woh ik bikhri hui larki
kabhi wapis nahi aai

Bahot din baad kal dekha ussay ik ajnabi 
ke sath gaari mein
aur us ki gaud mein piyara sa ik bacha
humakta tha

woh larki kis qadar khush thi bahot chaha 
tha keh main uss ko bhaga kar door le jaoon
bahot chaha december ki thitharti raat laut 
aye,,,,,

Mere Lafzon Pe Haavi Hai Tumhare Hijr Ka Mosam

Mere Lafzon Pe Haavi Hai 
Tumhare Hijr Ka Mosam
Meri Ghazalain
Meri Nazmain
Mere Ashaar Roty Hain....

Aag Lehje Ki Hi Jalaati Hy

                     

Aag Lehje Ki Hi'''  Jalaati Hy.....

Lafz Aatish-Fishaan Nahi Hoty..

Aandhioum k zoor per bhi jo na timtimaye

Aandhioum k zoor per bhi jo na 
timtimaye
chal esa aik diya'E waffa roshan 
karien,,

HaQeeQat Sey Buhat Door Hai Khwahish Meri

HaQeeQat Sey Buhat Door Hai 
Khwahish Meri. . .
Phir Bhi Khawhish Hai, K Ik Khawab 
HaQeeQat Hoo Jaye..

Ban Jaye Agar Baat To Sab Kehtay Hain

Ban Jaye Agar Baat To Sab Kehtay 
Hain Kya - Kya,
Aur Baat Bigarr Jaye To Kya - Kya 
Nahi Kehtay...!!!

Tujhay Khabar Hai Tujhay Sochney Ki Khatir

Tujhay Khabar Hai Tujhay Sochney Ki 
Khatir Hum,
Bohut Say Kaam Muqaddar Pay Taal 
Rakhtay Hain,

Tumharay Baad Yeh Aaddat Si Ho Gayi 
Apni,Bikhartay Sookhtay Pattay Sambhal 
Rakhtay Hain,,,

Hamesha Sath Rehne Ki Aadat Kuch Nahi Hoti

Hamesha Sath Rehne Ki Aadat Kuch 
Nahi Hoti
Jo Lamhe Mil Gaye Hain Jee Lo Riyazat
Kuch Nahi Hoti

Jisey Mehroomiyan Mili Hon Wohi Jaan 
Sakta Hai
Zubani Hosla, Jhooti Muravat Kuch Nahi 
Hoti

Kai Rishton Ko Jab Parkha, Nateeja Aik 
He Nikla
Zarorat He Sab Kuch Hai, Mohabbat Kuch 
Nahi Hoti

Kisi Ne Choor Kar Jana Ho To Phir Choor 
He Jata Hai
Bicherna Ho To Sadiyon Ki Rafaqat Kuch 
Nahi Hoti

Taaluq Toot Jaye To Safeene Doob Jaate 
Hain
Yeh Sab Kehne Ki Baatein Hain, Haqeeqat 
Kuch Nahi Hoti..

Ek Zara Si Ranjish Say Shaak Ki Zard Tehni Per

Ek Zara Si Ranjish Say Shaak Ki Zard 
Tehni Per
Phool Badgumani K Is Tarha Say Khiltay 
Hain
Zindagi Say Pyaray Bhi Ajnabi Sey Lagtay 
Hain…!

Khamoshi december ki

Khamoshi december ki

khamoshi december ki veeran sard 
raaton main khunk se her ahat main

zabt ki kai koshishooo ko juhtlati hai...
aur sard banati hain..

khamoshi december  ki  is terha nikharti 
hai hijr ko berhati hai mujhe bechain kerti hai khamoshi  december ki

December ki sard ratoon mein

Sard Raatoon Main

December ki sard ratoon mein,
kuch lamhoon mein kuch Baatoon 
mein,

Koi mere sath tha, Jisnay kaha tha 
Nibhaonga sath,

Aj mein us say bohat Door aachuka 
hon,Mein wo Waqt ganwa chuka hon,

Per jab uski Yaad aati hai,
Neend bohat door chali jati hai,

Meri Taanhaiyoon ko haseen banati 
hai,Ab aesey hi Zindagi bitaengey,

Tumharay ehd 0 Paimaan Se

Tumharay ehd 0 Paimaan Se,,
Tho Ye Mausam Hi Achay Hain,,

Tum! Ehd Kar K Nahi Loatay,,
Yeh Mausam Loat Aya Hai,,

Abhi Tak Tum Nahi Aaye,,
DECEMBER Loat Aya Hai...!!!

Tumhaari Yaad Aati hai December ho

Tumhaari Yaad Aati hai, December ho 
July Ho Mosamon K Badalny sy Farq 
Parta nai Kuch Bhi,

Kabi Jab Patty Girty Hein Khiza'on Mein Darkhton k, Tumhara wo Bichar Jana
Bohot Muj Ko Sataata hai Rulaaty Hein 
Bohot Muj ko,

Bheegy Gaisoo Paseeny Mein. K jab Garmi 
mein Tum Jana Tairas Par Yun Aati thi,
Bohot Rangeen Mosam Hein Jo tere Sang 
bitaaye Hein,

Bohot Dilkash Nizaary thy Jo teri yaad 
Mein Guzry Magar Wo Yaad Rakhna Tum,
K Jab 25 December Ko Bohot c Dhund 
Parti thi,

Mein jab Ghar ko lauta tha Mujy thndak ne Mosam ki, Baraf Sa Yakh kia tha jo Tere 
Gulnaaz Chehry ko Haathon K katory Mein,

Thaama To lga muj ko K December to 
December hai December sa nahi Mosam 
Ab b yad aati hai Mujy meri Sharaarat Wo
Jo Mein Sard haathon Tumhaary Gaal 
choota tha,,,

Tum Laut ao na December laut aaya hay

December Laut Aya hai

Suno.....!
Tum Laut ao na December laut aaya 
hay
Tumhare laut aanay ki Nai ummeed 
jaagi hay..

Abhi pichhlay baras tum nay Mere seenay 
pe sar rakh kar Haya say munh chupaaya 
tha

Abhi pichhlay baras hi to December k 
mahine main Tumhain baahoun main 
thaama tha..

Magar April aanay tak Tumhari jheel si 
aankhon main Naya sapna samaaya tha
Mere chotay say aangan main Tumhain 
veh'shat si hoti thi

Mujhe tum nay bataaya tha Kisi ki qaid 
main rehna Mujhay acha nahin lagta
Main ik aazaad panchhi hoon"

Suna hai phir say tanha ho tum
September ke mahine se
Bohat khaamosh rehti ho

Ke jis ko tum ne chaaha tha Wafa k naam 
se us ko Bohot veh'shat si hoti thi

"Woh ik aazaad panchhi tha Kisi ki qaid 
main rehna Ussay acha nahi lagta tha"

Suna hai mairay aangan ki Tumhain ab 
yaad aati hai

Suna hai tum pa'shaymaan ho......!

Chalo phir aisa karte hain December ka 
mahina hai Naya aaghaaz kartay hain

Tumhain baahoun main lay loon main
Mere seenay pay sar rakh kar Haya say 
munh chhupa lo tum
December laut aaya hai...

Suno ab laut aao tum....!!!!