Zaat Se Zaat Tak

Friday, 21 March 2014

Boht sajaye they

Boht sajaye they aankho’n mein
khuwab meine bhi
Sahay hain us k liye ye azab meine
bhi. .

Judai’on ki khalish us ne bhi zahir na
ki Chupaye apny ghum-o-iztaraab meine
bhi. .

Diye bujhaye k sar-e-shaam so gaya tha
wo Bitai so k shab-e-mahtaab meine bhi. .
Yehi nahi k mujhy us ne dard-e-hijr diya
Judai’on ka diya hai jawab meine bhi. .

Kisi ne khoon mein tar choori’an jo bheji
hain Likhi hai khoon-e-jigar se kitaab
meine bhi. .

Khiza’n ka waar bhi kaar’gar tha dil per
magar Boht bacha kar rakha ye gulab
meine bhi. . !

Gulshan parast hoon

Gulshan parast hoon mujhy
gul hi nahi aziz
Kaanto’n se bhi nibah kiye ja
raha hoon mein...

Kitni aasani se us ne

Kitni aasani se us ne likh diya
“jaan-e-man! Mehsoos mat karna

Magar In dino’n beemar bhi hoon
aur kuch haalaat bhi achy nahi
Raat din socho’n mein gum rehti hoon
mein “Tum” rehti hoon mein

Ik guzarish hai bura mat manna
Mery khat aur meri tasweer’ain
tamaam Mujh ko wapis bhej do
Meri mangni honay wali hai, boht
majboor hoon”

Us ki tasweerain aur us k khat tamaam
Meine chun chun kar rawana kar diye
Us ne phir likha k sari zindagi
Apni tehreer’on, tasweer’on ki surat mein
sadaa Ab tumhain dekhungi mein

Apni sanso’n k boht nazdeekh paungi
tumhain Doosro’n k wastay mein bhool
jaungi tumhain . . !

Guzray hain aaj ishq mein

Guzray hain aaj ishq mein
hum us maqaam se
Nafrat si ho gai hai muhabbat
k naam se. . !

Guzar gaya jo kai baar

Guzar gaya jo kai baar
be-niazana. .
Wo shakhs bhi hai meri
umer'E be’talab ki tarha. . !

Hamaray darmian qayam

Hamaray darmian qayam hai jo
Is rabt ko kia naam do gay tum?
Zara socho....!
Azal se hi zamana chahat’on k dard
se na-aashna thehra

Lughat mein iski khushbu sa koi bhi
lafz Shamil hi nahi jana
Ye jab chahay milan k rung mein

Aa kar judai ghol deta hai
Ujalay ko ye jab chahay siyah kar de
Sitar’on ko fana kar de
Muhabbat Saneha Kar De. . !

Muhabbat rut mein

Suno Jana....!
Muhabbat rut mein laazim hai
Boht ujlat mein ya takheer se wo
marhala aaye Koi be-dard ho jaye

Muhabbat ki tamazat se boht
bharpoor sa lehja Achanak sard ho
jaye Gulabi rut ki chanchal oorhni
bhi zard ho jaye

Tou aisy morr pe darna nahi, rukna
nahi, ghabra nahi jana
Ghazab dhaati hui saffaak mojo’n se
Kisi bhi surkh toofan se

Dil ki kashti ko is pul se humain do
chaar karna hai hamara ehed hai khud
se Kisi bhi qeemat pe hum ko
SAMANDER PAAR KARNA HAI. . !

Husn hai zaat meri

Husn hai zaat meri ishq
sifat hai meri
Hoon tou mein shama magr
bhais hai parwanay ka. . !

Muhabbat mangny ki shae

Muhabbat mangny ki shae nahi jo
maang li jaye
Kisi ko kab kahan ye raas aai hai
Ye hum se aaj kehty ho

Suno Janaa’n! Tumhain bhi yaad to
ho ga Yehi to ibtada mein hum bhi kehty
thy Magar tum ne tou is ki khud nafi kar
di thi pal bhar mein

Kaha tha us gharri tum ne Muhabbat
mangny se mil bhi jati hai
Magar ye shart hai jo mangta ho dil se
wo mangy

Aur hum ne akhir tum ko ye daulat sonp
di lekin Wafa tum kar nahi paaye

Tum ab aaye ho barso’n baad Aur ye hum
se kehty ho K hum tum ko bhula baithy
Tumhary khat jala baithy

Humain laazim tha ye, Ta umer baithy
rasta taktay Gharri bhar ko nahi thaktay
Baja kehty ho,

Such kehty ho, kab inkaar
hai hum ko Suno hum thak gaye hongy. . !

Boht be-sakooni hai

Suno Janaa’n
Boht be-sakooni hai hamari zaat
mein
Boht masroof rehna parr raha hai. .

Boht se kaam hain Jo apny zimmay ley
rakhay hain Magar, inhi saray jhamelo’n
mein Tumhari yaad ka wo aik jugnu,

Ab chamkay to Ye aankhain bheeg jati
hain Tumhari yaad k roshan sitaray
timtimatay hain Tou dil bujh sa jata hai

Hawa ko sub pata hai Mery dil ki khabar
hai Meri palkon k aansu
Khud mein jazb kar k num c ho jati hai. . !

Suno Janaa’n
Boht hi be-sakooni hai hamari zaat mein
Lekin Tumhain hum yaad karty hain
Tumhain ab bhi Boht hum pyar karty hain.

Hawas ko tum muhabbat

Hawas ki sab zabano’n per..
Dehekty khaar ugtay hain. . !
Hawas ki aankh maqtal hai
haya ka, parsaai ka
Hawas hai naar ki surat
Muhabbat noor jaisi hai
Zamee’n aur aasma’n se bhi
ziada fasla hai in mein
Hawas ko tum muhabbat ka
kabhi bhi naam mat dena. . !

Mujhy tum se nahi milna. .
Agar miltay milatay
yunhi hanstay hansaatay
Yunhi mantay manatay. .
Muhabbat Ho Gai TOu Phir?

kia mila tum ko

Suno Jana.....!
Muhabbat mein kisi ko panay ki
ujlat Dikha kar kia mila tum ko?
kabhi socha...?

kabhi socha k tum ne mujh ko bhi to
khaali khaali jhootay raisham k hi
dhaago’n mein Ulajhney ki saza di hai

Suno! Mein ne tumhara kia bigara tha
Ye sab kuch kyun kiya tum ne
Mujhy youn zindagi se badguma’n kar
k bhala kia paa liya tum ne...?

Abhi bhi wakt hai tum rok lo, titli ko
marney se Khushbu’on ko nikherny se
Wagarna kal tumharay haath yaado’n
ki zara si raakh hogi

Aur kuch bhi to nahi ho ga Abhi bhi wakt
hai tum rok lo Titli Ko Marnay Se. . !

Wo jazba hai jo dil k

Wo jazba hai jo dil k nehan khanay
mein jab utrey
To andheyaro’n mein goya roshni
bhar de Agar mitti ko choo lay tou
usey rashk-e-qamar kar de

Ye tapti dhoop ko pal mein ghata kar
de Ye khuwahish ko dua kar de
Ye dharkan ko sadaa kar de

Kisi bhi aam jazbay ko wafa kar de
Dukho’n se maawra kar de ye jab
chahay badan mein rooh phoonkay
aur jab chahay riha kar de

To socho kis tarha mujh ko nahi idraak
is shae ka Mujhy ehsaas hai jana!
Mujhy is ka yaqeen bhi hai.
Tumhain mujh se muhabbat hai. . !

Kia wo tum hi ho Wo jo koi meri
socho’n mein hai Rag-e-jaan se bhi
aagay hai Zara batlao to jana
Wo mera kon laagay hai....?

Muhabbat tum ne danista

Muhabbat tum ne danista ganwaai
thi Tou behtar hai k ab us ko bhula
daalo K ab pachtanay se bhi kuch
nahi hoga

Ye tum ko baarha hum ne kaha bhi
tha ....Suno jana’n...!
Gulabo’n se ye lamhay hain Inhein
khonay se pehlay hi sambhal jao

Khiza’n se dosti karna nahi acha
Magar tum ko tou zid si thi mitanay
ki, jalanay ki, ganwanay ki Jo tum ne
aag bharkai thi haatho’n se

Tumharay apny daaman tak bhi aa
pohnchi tou rotay ho..?

Suno! pachtanay se bhi kuch nahi
hoga Muhabbat tum ne danista
ganwaai thi.
To behtar hai k ab usko bhula daalo. .!