widget

Tuesday, 21 October 2014

kabhi yaad aao to is tarah


kabhi yaad aao to is tarah
ke lahoo ki saree tamaazateN
tumhaiN dhoop dhoop sameT leN


tumhaiN rang rang nikhar deN

tumhaiN harf harf sooch leN
tumhaiN dekhne ka jo shauk ho
to diyaar-e-hijar ki teergi ko'mijah 
ki nok se nooch leN


kabhi yaad aao to is tarah

ke dil-o-nazar meN utar sakoon
kabhi had se habs-e-junooN 
badh rhey...


to havaas banke bikhar sako

kabhi khul sako shab-e-vasal 
meN kabhi Khoon-e-dil meN 
sanvar sako


sar-e-rehguzar jo milo kabhi..

na Thehar sako, na guzar sako
mera dard phir se Ghazal baney..


kabhi gungunaoo to is tarah

mere zaKhm phir se gulaab hoN.
kabhi muskuraoo to is tarah..


meri DhadkaneN bhi laraz utheN

kabhi chot khaoo to is tarah.
jo nahi to phir bade shouq se
sabhi rabtey sabhi zaabtey


kabhi dhoop chaaoN main tod do

na shikast-e-dil ka sitam sahoo
na suno kisi ka azaab-e-jaaN
yooNhi Khush phiroo, 
yooNhi Khush raho..


na ujar sakeN na sanvar sakeN

kabhi dil dukhaoo to is tarah..
na simaT sakeN na bikhar sakeN
kabhi bhool jao to is tarah..
kisi taur jaaN se guzar sakeN
kabhi yaad aoo to is tarah...