Wajood apna Na Rooh apni

Wajood apna, Na Rooh apni

Bas ik tamasha ye zeest thehri,

Na dil-lagi mein sakoon paaya,

Na aashqi mein qaraar paaya,

Na wasl lamhey hi raas aaye,

Na firaaq hi hum guzaar paaye,

Ajab ye chahat k marhaley hain,

Na jeet paaye, Na haar paaye,

Na hi yadoon ki dhunnd utri,

Na dil k daaman ko jhaar paaye,

Na aankhein khawabon ko 

dhoond paa'een,

Na khawab aankhon ko dhoond 

paaye,

Bas ik tamasha ye zeest thehri,

Wajood apna, Na rooh apni...!