widget

Wednesday, 7 January 2015

Dhiyan me aa kar beth gaye ho tum bhi na


Dhiyan me aa kar beth gaye 
ho tum bhi na?

Mujhe musalsal dekh rahe ho 
tum bhi na?

De jatay ho mujh ko kitne 
rang naye,
Jaise pehli baar milay ho tum
bhi na??

Har manzar me ab hum dono 
hote hain...

Mujh me aisay aan basay ho 
tum bhi na??

Ishq ne yun dono ko hum'
aameiz kiya..
Ab to tum b keh detay ho tum 
b na?

Khud hi kaho ab kaise sanwar 
sakti hun main..
Ainay me tum hotay ho tum 
bhi na?

Ban k hansi in honton par bhi 
rehtay ho..
Ashkon me bhi tum behtay ho 
tum bhi na??

Meri band aankhen bhi tum 
parh letay ho..

Mujh ko itna jaan chukay ho 
tum bhi na??
Mang rahay ho rukhsat mujh 
se aur khud hi

Hath me hath liye baithe ho 
tum bhi na??