Fareb ham ne bhi khaye shikaar ham bhi huway

Fareb ham ne bhi khaye 

shikaar ham bhi huway.. 

Dayaar rahte huway be 

dayaar ham bhi huway.. 

Na zindagi hi alag kar saki 

na maut hamein.. 

Gunah mein un k shareek e 

fishaar ham bhi huway.. 

Sabhi ko ishq mein sab 

kuch mila zaroorat bhar.. 

Wo motabar huway be itbaar 

ham bhi huway.. 

Hamein bhi raahguzar par 

bichhe mile kaante.. 

Qareeb aayi jo manzil 

ghubaar ham bhi huway.. 

Wafoor e gham kisi tufaan 

se kam nahi hota.. 

Jo zabt toot gaya ashkbaar 

ham bhi huway.. 

Dabbaye jab bhi gaye ham 

tabhi ubhar aaye.. 

NehaL ham bhi mite shahkaar 

ham bhi huway..,,