Had-e-Shaoor Tak Aane Me Dair Lagti Hai

Had-e-Shaoor Tak Aane Me 

Dair Lagti Hai,

Falak Pe Naqsh Banaane Me 

Dair Lagti Hai.

KHUDA Ki Zaat Ko Paa Lena 

Ain Mumkin Hai,

Khud Apne Aap Ko Paane Me 

Dair Lagti Hai.

Kuch Aur Dard Me Shiddat 

Barha Sitam-Gar Tu,

Labo'n Tak Aah Ko Aane Me 

Dair Lagti Hai.

Jala Charaagh Bujhaana Bahut 

Hi Aasaa'n Hai,

Bujha Charaagh Jalaane Me 

Dair Lagti Hai.

Barra Kamaal Hai Jazbaat Ko 

Zubaa'n Dena,

Khalish Ko Shair Banaane Me 

Dair Lagti Hai.

Lahoo Me Dard Bhara Ho Tu 

Phir.

Khushi Ki Fasal Ugaane Me 

Dair Lagti Hai.