Shareek-e-Gham Meri To Mera Pyaar Hai

Shareek-e-Gham Meri To 

Mera Pyaar Hai k Nahi.

Shehar-e-Dil Me Teri Ulfat 

Shumaar Hai k Nahi.

Nasha Hai Mujh Ko Mohabbat 

ki Chaar Boondo'n Ka.

Jaam-e-Ulfat ka Tujhe Bhi 

Khumaar Hai k Nahi.

Tumhaara Hussn Hai Mehka 

Huwa Gulzaar Magar.

Jamaal-e-Ishq ki Tum Par 

Bahaar Hai k Nahi.

Chain Mujh Ko Nahi Rehta 

Hai jis Tarah Ek Pal.

Tumhaara Dil bhi Sanam 

Beqraar Hai k Nahi.

Waqt-e-Fursat kabhi Mera 

Sukhan bhi Dekho Zara.

Qalam pe Shokhiyan Misron 

Me Dhaar hai k Nahi.

Teergee Zulf ki Lafzon Me 

Saadgi aur Shabaab.

Ghazal Me Hussn ki Junmbish 

Wo Pyaar Hai k Nahi.

Dekh Johar Qalam k Mere 

Aur Bataa AFROZ.

Sukhanwaro'n Me Mera Ab 

shumaar Hai k Nahi.