Aya hi tha Abhi mere Lub per wafa ka Nam

Aya hi tha Abhi mere Lub per wafa 
ka Nam....
Kuch doston ne hath main pathar 
utha liye..........

Dil sulagta hai tere sard ravaiyye se

                      Dil sulagta hai tere sard 
                                    ravaiye se 
                        Qateel Dekh is barf ne 
                         kya aag lga rakhi hai..

Tere Maslak Me Aa Gya Hon

Tere Maslak Me ۔۔ ۔۔ ۔۔ Aa Gya Hon

Pyar Ki Bid-Datain Sikha De Mujhe.

Ek Timtamata Hua Charagh Hun Mein

Ek Timtamata Hua Charagh Hun 
Mein,

Phoonko Na Piyar Sey, Kahin Mein 
Bujh Hi Jaon Na..

Mere Hisse Me Le De Kar Faqt

Mere Hisse Me Le De Kar Faqt 
Meh Roomiyan Aain

Mujhe Bhi Shauq Tha Kitna , 
Mukaddar Aazmany Ka..

Tere hijraan se taluq ko nibhaney ke liye

Tere hijraan se taluq ko nibhaney 
ke liye,

Mene iss saal bhi jeeney ki kasam 
khayi hai..

(¯`♥´¯) ..•*¨`*♫.•  

 ´*.¸.•♥ https://www.facebook.com/zaatsezaattakpoetry

Batao Zara Konsi Bahar Le ke Aaya Hai

Batao Zara, Konsi Bahar Le ke Aaya 
Hai January..? 
Tum To Kehte The Ke Bohat Weiraan 
Hai December…!

Jahan pe khatm hui phir se ham shuru karte

Jahan pe khatm hui phir se, ham shuru
karte,Jo dastan-e muhabbat ki guftgu 
karte.

Hamare jitna kahan koi, tumko chahega
Abas ye umr guzaroge, justju karte.

Bayan-e ghair pe usne yaqin kar to liya,
Vo kash mere raqibon ko, ru-ba-ru karte.

Bahut aziz hai hamko ye apni nakami,
Khudi ko bech ke kya khud ko surkh-ru 
karte.

Wo aa ke samne baithe the aj mehfil 
mein,Ham unse aur karam ki kya, aarzu 
karte.

Junun mein mere gareban ko tar-tar kiya,
Wo chasm-e nam liye baithe hain, ab rafu 
karte.

Saba ka shukr hazaran, jo layi ye nikhat,
Zamana guzra hai us gul ki, aarzu karte.

Ajab hai taur-o-tariqa ye bazm-e rindan 
ka,Sharab peene se pehle hain sab wazu 
karte.

Ragon mein khoon ka qatra bhi ab nahin 
baqi,Kahan se ghazlon ki syahi ko ham 
lahu karte..

Tumhare pyar ki khatir ye kar jana hi behtar hai

Tumhare pyar ki khatir ye kar jana hi  
behtar hai. Kaho tum jan dene ki, to mar 
jana hi behtar hai.

Meri nazron se kab koi tujhe ai chand 
dekhega,Mere aaina-e dil mein, utar jana 
hi behtar hai.

Liye ek jazba-e sajda bhatakta hun mein 
aawara,Jhuka kar teri chaukhat par, ye sar 
jana hi behtar hai.

Lisan ul-Asr ka ye qaul ab mujhko samajh 
aaya,Darayen khel mein bachche, to dar
jana hi behtar hai."

Tumhari rast-goyi se kisi ki jan jati ho,
To phir aise kisi sach se, mukar jana hi 
behtar hai.

Kaha walid ne "barkhurdar, gar hon khar 
raste mein,Bacha kar apne daman ko, 
guzar jana hi behtar hai."

Agar hai shauq-e pa-bosi, to in manus 
rahon mein,Tera reza-reza hokar, bikhar 
jana hi behtar hai.

Ba nam-e dosti gar dushman-e jan ghar 
bulate hain,Khilaf-e maslahat ye hai
magar jana hi behtar hai.

Raqibon ne unhein bhi nam se mere 
bulaya hai,Agarche jan ka khatra hai, 
par jana hi behtar hai.

Hua phir yun shahidan-e wafa mein ho 
gaya shamil,Nahin hai sath qismat mein, 
to mar jana hi behtar hai.

Bahut tum kar chuke sehra-nawardi, 
'Agar ab bhi wo apna le, to ghar jana hi 
behtar hai...

Mana ke halaat darane wale hain

Mana ke halaat darane wale hain,
Phir bhi ham ye bat batane wale hain.

Unko tumse kab sachhi hamdardi hai
Hathi ke ye dant dikhane wale hain.

Jhoot-o-makar ki is shatranji duniya 
mein,Apne pyade maat dilane wale 
hain.

Aur shahadat thodi si mil jaye to,
Ham unki auqat batane wale hain.

Mazi ke zakhmon pe ham faha rakha 
kar,Dushman se ab hath milane wale 
hain.

Gardish mein hai haal hamara, 
hazrat-e man Dekhein kab tak sath 
nibhane wale hain.

Tere shahr se ab ham kya nata jodein
Ham to bas ek rat bitane wale hain.

Sulah ki surat kya nikle hamsaye se
Bat karo to bat badhane wale hain..

Har roz tujhko socha har roz tujhko chaha

Har roz tujhko socha, har roz tujhko 
chaha,Har roz aarzu ki, har lamha yun 
nibaha.

Tere haseen rukh se, jab bhi palat ke 
lauti,Apni nazar ko hamne, sau bar phir 
saraha.

Main badhun, ke laut jaun, kuchh soojhta 
nahin hai,Har lehja kash-ma-kash hai, 
har gam pe doraha.

Mera jism-o-rooh hai ghayal, dast-e shifa 
se apne,Kabhi aa ke tu hi rakh de, 
zakhmon pe mere faha.

Yun to bazm mein sabhi hain, deewane 
tere bismil,Magar kaun be-adab hai, 
sar-e aam jo karaha.

Manzil sabhi ki tu hai, raste agar juda 
hain,Zahid hi "hu-o-haq" hai, maston 
ki "hu-o-ha ha".

'Sagar' se hun mein waqif, mein yaqin se 
keh raha hun,Tujhe chah kar phir usne, 
kisi aur ko na chaha.

Rasta mehfooz hai ya pur-khatar

Rasta mehfooz hai ya pur-khatar, 
jaisa bhi hai,Mustehkam hai ab mera 
azm-e safar, jaisa bhi hai.

Hon mubarak aap ko qasr-o-mahal,
Mera ghar hai mera ghar, jaisa bhi 
hai.

Tujhse wabasta hai mera har kalaam,
Go nahi maqbul par, jaisa bhi hai.

Ishq mein shayar hai tera qamyaab,
Ba-hunar ya be-hunar, jaisa bhi hai.

Go nazar aata nahin, par hai zarur,
Koi mera hamsafar, jaisa bhi hai.

Koi to hamrah hai tufan mein,
Rahzan ya rahbar, jaisa bhi hai.

Teri galiyon se ta'alluq hi nahin,
Ab nahin mera guzar, jaisa bhi hai.

Mujh se aasi par karam ki bheekh ho,
Tere qadmon pe hai sar, jaisa bhi hai.

'Sagar' hai mera hi logo urf-e aam,
Pur-asar ya be-asar, jaisa bhi hai.

Mein darta hun ke tumse saamna ab phir na ho jaye

Mein darta hun ke tumse saamna ab phir 
na ho jaye,
Jo dil mein hai mere pinha kahin zahir na 
ho jaye.

Zara si bat par gar yun kaleja moohn ko 
aata hai,Mera dil gham uthane se kahin 
qasir na ho jaye.

Ye hijrat aur ye doori, shab ki ye khamosh 
tanhai,
Agar yun hi rahin aashiq tera shayar na 
ho jaye.

Mein khud bhi ehtiyatan us pari-ru se 
nahi milta,Wohi jo dushman-e jani hai wo 
dilbar na ho jaye.

Mein ghar ki bekasi ko chhod kar sehra 
mein aaya hun,
Magar lagta hai ye sehra hi mera ghar na 
ho jaye.

Ye jambhoori siyasat hai, yahan andaza 
mushkil hai,
Jo kal tak raahzan tha, wo hi kal rahbar 
na ho jaye.

Hai jazb-e jan-supari aajkal aur sar mein 
sauda hai,
Shahidon mein kahin shamil tera na ho
jaye.

Na-ummeedi se dil gar bujha chahiye

Na-ummeedi se dil gar bujha chahiye,
Tere honthon pe harf-e dua chahiye.

Ibn-e Maiyam ki tarha jilaye koi,
Mojiza chahiye, mojiza chahiye.

Ham rahe sochte, kuchh bhi keh na sake,
Darasal usne poocha tha "kya chahiye".

Dil to bachcha hai meri ye sunta nahi,
Jo ise chahiye, barmala chahiye.

Doston ki inayat bahut dekh li,
Ab kahin door ja ke raha chahiye.

Wapsi meri ab bhi hai mumkin magar,
Ek mubham si dil se sada chahiye.

Tum hi tum shayari mein numayan rahe,
Apni halat pe kuchh ab kaha chahiye.

Ai meherban tera qaul wajib, magar,
Jo mein kehta hun wo bhi suna chahiye.

Lakh aasi hai ' Khudaya ise,
Tera rahm-o-karam be-baha chahiye.

Khud mein hum muqayyad the inqilab kya karte

Khud mein hum muqayyad the, inqilab 
kya karte, Jang ye hamari thi, aan-janab 
kya karte.

Sabko chhod kar pehle, mujhko jam deta 
hai,Maiqade mein saqi se, ham hisab kya 
karte.

Sabne kis qadar roka, phir bhi dil laga 
baithe,
Apni hi khataon par, wo itaab kya karte.

Aap ki jafaon ka anjuman mein charcha 
tha,Ghair se mukhatib the, ham khitab 
kya karte.

Aap ne ziya bakhshi, zeest ke andheron 
ko,Zindagi se badh kar ham, intisaab kya 
karte.

Aaina sanwarta hai, jiske samne har din,
Aise jalva-ara ko be-hijab kya karte.

Aap se muhabbat hai, sare zulm sehta 
hun,
Koi sakht-jan hota, to janab kya karte.

Hashr mein muqabil the, phir bhi ham 
rahe sakit,
Ab sawal kar ke unhein, la-jawab kya 
karte.

Na kahin wafa aisi, aur na aisi ulfat hai,
jab nahin koi tum sa, intikhab kya karte.

Jiska nam lene se 'nur' jagmagata hai,
Uske samne 'Sagar' aaftab kya karte.

Jabse ye suna hai logon ko

Jabse ye suna hai logon ko, nazron se 
wo mara karte hain,
Ye qasd hai ham bhi dekhenge, kya hal 
hamara karte hain.

Aa’ine ke lab to sakit hain, tum apne 
hosh sambhalo miyan,
Ai hazrat-e dil ab mehfil ko, wo jalwa-ara 
karte hain.

Us naz-o-ada ke qurban hain, us husn ke 
ham to shaida hain,
Us mah-pari par dil hi nahin, ham jan bhi 
wara karte hain.

Wo honge koi kamzarf ke jo, mahboob se 
shikwa kar baithe,
Ham log to sachhe aashiq hain, har zulm 
gawara karte hain.

Tera chehra dhoonda karte hain, ham 
subh se le ke sham talak,
Raton ko ham uth kar neendon se, tera 
nam pukara karte hain.

Ham pas rahein ya door kahin, mehfil 
mein rahein ya khalwat mein,
Dildar tumhin ko jana hai, tumko hi 
nihara karte hain.

Is aas pe jite aaye the, ik roz milenge 
tumse magar,
Ab tumse milna jurm hai to, ye jurm 
dobara karte hain.

Shayar ke bayan ko kya samjhein, wo be
dil aur khud-ara jo,
Nazron ki zaban se kehte hain, ghamzon 
se ishara karte hain.

Parde se wo bahar aaye hain, tere nale 
sunkar ai ‘Sagar’,
Ab aage badh kar batla do, kyun sog 
tumhara karte hain.

Seene mein dafn kyun nahin jazbat karo ho

Seene mein dafn kyun nahin jazbat karo 
ho Mua'afiq nahin halaat to kyun bat karo 
ho.

Aaye jo nibhane pe to kuchh kar nahin 
pate,Baton mein magar khoob karamaat 
karte ho.

Dil ki jagah ho sang-e be-his hi jiske pas,
Us se bhala kya ummid-e inayaat karte ho.

Girdab mein gardish ke hun, hain dost 
nadarad,
Tum bhi to sahil se isharaat karte ho.

Dar se tumhare koi bhi lauta nahi maayus,
Tum ishq karte ho ke ya khairaat karte ho.

Ham roz shab-e hijr ko karte hain subh-e 
nau,Har subh-e nau ko hijr ki tum raat 
karte ho.

Kisne kaha tha tumse ki 'Sagar' se karo 
ishq,Paida tum apne waste aafaat karte ho.

Hamare ishq ke afsane kal kahan honge

Hamare ishq ke afsane kal kahan honge,
Karenge yad tumhein chahe ham jahan 
honge.

Zamana guzra hai unko, qareeb dekhe 
hue,
Kaha tha jisne ki do jism ek jan honge.

Chale ho jin pe liye hath hath mein mera,
Wo raaste bhi kabhi rashq-e kehkashan 
honge.

Karoge bat to hir-phir ke hoga zikr mera,
Jo chup rahoge to aankhon se ham ayaan 
honge.

Rahenge sath khushi se tumhari qurbat 
mein,
Qafas mein reh ke bhi ham ahl-e aashiyan honge.

Kise khabar thi muhabbat mein sath rehte 
hue,
Taweel fasle bhi apne darmiyan honge.

Badhega jab bhi kisi ka qadam su'e 
maqtal, Zamana dekhega ham meer-e 
karvan honge.

Tumhare dar se hai nisbat janam-janam 
ki hamein,
Fana ke ba'd bhi ham khak-e aastan honge.

Wafa ki rah mein 'Sagar' khyal itna rahe,
Abhi to aage bahut ismein imtihan honge.

December ab k jao To mujhe bhi sath le jana

December ab k jao To mujhe bhi 
sath le jana

Mujhe bhi shaam hona hai mujhe 
gumnaam hona hai...

(¯`♥´¯) ..•*¨`*♫.• 
 ´*.¸.•♥https://www.facebook.com/zaatsezaattakpoetry

Bharosa Mat Krna Dunya Ke Logon Par

ς੭Bharosa Mat Krna Dunya Ke Logon 
Par Kabi..........!


ς੭ Mujy Tabaah Karney Wala, Mera 
Bohat Azeez Tha...!




(¯`♥´¯) ..•*¨`*♫.• 
 ´*.¸.•♥ https://www.facebook.com/zaatsezaattakpoetry