Kachi Basti K Baam-o-Dar Par

Kachi Basti K Baam-o-Dar Par,
Utarti Jaaray Ki Sard Shamain,
Shafaq Ki Gehri Udaas Aankhon 
Main,

Dheeray Dheeray Simat'ta Sooraj, 
Main Baal'Koni Main Sard Hoty,
Gulabi Phoolon Ko Dekhta Hun,

Gharon Say Uth'tay Dhuwain K 
Baadal,
Fiza Main Tehleel Ho Rahay Hain,

Main Sochta Hun,Na Janay Aesay 
Udaas Mausam Main Tum Kahan 
Ho..?
Chalay Bhi Aao,Chalay Bhi Aao K 
Ab Udaasi Ki Shaal Orhay,
Sisaktay Mehtaab Ki Nigahon Main,

Teray Jaanay Ka Dukh Likha Hay,
Chalay Bhi Aao K Ab To Raahon K,
Saaray Jugnu Bhi So Gaye Hain,

Chalay Bhi Aao K Rotay Rotay,
Ye Ashk Pathar K Ho Gaye Hain..
Chalay Bhi Aao,Chalay Bhi Aao...