Bheegi January Phir Laut

Bheegi January Phir Laut Aai 
Hay

Wohi Galiyan, Wohi Koochay,
Wohi Sardi ka Mausam Hay

Usi Andaz say Apna
Nizam-e-Zeest Barham Hay

Hai Hussn-e- Ittifaq Aisa k
Bikhri Chandni bhi Hay

Wohi har Simt Virani,
Wohi Tishnagi Si Hay

Wohi hay Bheer Sochon ki,
Wohi Tanhaiyan Phir Say

Musafir Ajnabi Aur
Dasht ki Pinhaiyan Phir Say

Mujhay sab Hay Yaad
Kuch Saal Pehlay ka Yeh Qissa 
Hay

Wohi Lamha to Veeranay ka
Ik Abaad Hissa Hay

Kisi Nay Raat ki Tanhai Main
Sargoshiyan ki Thien

Kisi ki Narm Guftari Nay Dil 
ko Loriyan di thien

Kisi Nay Meri Tanhai ka
Sara Qarb Baanta Tha

Kisi Nay Raat ki Chunri Mai
Roshan Chaand Tanka Tha

Wo Jiskay Honay say
Zindagi Naghma Sarai Hay

Usay Kehna Bheegi January
Phir Say Laut Aai Hay.........!