Main Zer-e-Khaak Hon Ab Tak

Main Zer-e-Khaak Hon Ab Tak 

Magar Fikr-e-Na'mo Me Hon,

Shajar Ka Khuwab Hon 

Baarg-o-Samar ki Aarzo Me Hon.

Ta'aqub Kar Raha Hon Main 

Kisi Na-Deeda Manzil Ka,

Ye Kesi Justajo Me Ye Kis ki 

Justajo Me Hon?

Mujhe Maloom Hai Mujh ko 

Samandar Tak Pohnchna Hai,

Abhi Hai Ibteda Meri Abhi Main 

Aabjo Me Hon.

Ye Mumkin Hai Wo Pehle C 

Hararat Ab Na Baaqi Ho,

Magar Zinda Yaqinan Main 

Abhi Apne Laho Me Hon.

Abhi Tu Aanso'un Se Dho 

Raha Hon Main Gunahon ko,

Namazon Tak Nahi Pohncha 

Abhi Tak Main Wazu Me Hon.

Ye Lagta Hai Bohat Maqbol 

Hota Ja Raha Hon Main,

Suna Hai Aaj Kal Ehal-e-

Sukhan ki Guftago Me Hon..