widget

Friday 8 March 2013

Mohabbat ab karo gay


Mohabbat ab karo gay ....?


Kaho phir kesi guzri Dil pe, aankhon

pe, zehn pe ....!Haan kaho,,,,

Phir kesa lagta hai.. Keh jab is dil ko 

koi Haath mein le kar masalta hai..!

Nigaahein raah takti hon kisi ki

Haan magar Rastay mein koi aur 
aa jaaye Zehn naey khwaab dekhay hon

K jo sharminda-e-ta'beer bhi hon


Haan magar ta'beer esi ho Keh jis pe

khwaab khud Sharminda hotay hon

Kaho phir kesa lagta hai....?


Keh jab tanhaai se daaman churanay 

ki lagan mein aur bhi tanhaai barh jaaye

Keh ik lamba safar kar k musaafir...


Khud ko phir se Nukta-e-aaghaaz par

paaye Musaafat raayegaan jaaye

Reyaazat raayegaan jaaye Tumhein us 

nukta-e-aaghaaz par Kitnon ne toka tha,

Kaha tha tum se la-haasil k peechay..

mukhtasir c zindagi ka waqt matt khona !
Tumhein tab jhoot lagta tha..
Kaho ab kesa lagta hai ! ..................



No comments:

Post a Comment