kaha kerti ho tum aksar mujhey ek nam aisa do

kaha kerti ho tum aksar mujhey 

ek nam aisa do pukaro jis sey tum 

mujh ko to yun mehsoos ho jaisay 

tumhari shairai sari meri tareef 

thehri hai

jissay sun ker main khawabon ki si 

kafeeyat main kho jaon

hawaon main uroon jaisay

jissay sun ker yeh dil kiya rooh tak 

sarshar ho jaye

jisay sun ker meri tashna labi seerab 

ho jaye jissa sun ker lagay aisay kay 

barish jaisay phhlon ki

badan ke her kali jaisay ba-andaaz.E

-zikar mehkay

jissay sun ker lagay aisay key 

madham sey meethay surron main 

teerta meetha mahdur naghma

guzartay waqt key lamhay jissay sun 

ker thehar jayen saman madhosh 

ho jaye

jissay sunker baharain jatey jatey phir 

sey loot ayen mujhey ek naam aisa do"

so ay meharban larki! main aksar 

sochta hoon koi aisa naam tum ko doon

key jo mansoob ho tum sey

to tum ko javeedan ker day

ho koi nam aisa jo

mujasma-e-hussan-e-fitrat ho

buhat hi khoobsurat ho

kisi nazuk pari jaisa......

key jo hussan-e-jahan rang-o-boo 

ka istarra ho

teray malkooti peekar ko magar 

tashbeeh kis sey doon

agar main gul kahon tum ko?

magar phhool tu murjha ky aakhir 

sokh jatey hain!

agar tara kahon tum ko?

sitarey toot ker laiken fiza main 

kho jatey hain! kahon qaus-e-kaza 

laiken?

sabhi rang ekthay mil ker bhi, tere 

ruuh sey chhalkti noor ki kirno ko 

na punchay!hinna ka naam don 

tum ko?

magar rang-e-hina tu char din 

main roth jata hai!

agar badal kahon tum ko?

ghataon sey siwa laiken tere jazbat 

ki shidaat hai!

tumhain sawan kahon kaisay?

tumharey pyar ki barish tu her 

mausam barasti hai!

naseem-e-subha keh doon ya kahon

 baad-e-saba tum ko?

magar fitrat hawa ki tu azal sey 

bewafai hai!

teri waraftgi sochon, samander 

ki lehar keh doon!

magar mojjon ki tughiyani tu ek 

poonam ki shab tak hai!

teri aankhain agar sochon'tumhain 

may ka badal keh doon!

agar sayya kahon'jhoonka kahon'

khushboo kahon tum ko?

magar tum tu mujasma ho!

buhat kuch sochta hoon main

tumhara naaam kiya rakhon.....?

kahon jadoo , chirag-e-raah ya 

manzil kahon tum ko?

kahon main justju 'koshish kahon 

ya phir dil kahon tum ko?

shafaq keh doon'sahar keh doon ya 

keh doon chandni tum ko?

agar khawahish kahon ya arzoo ya 

zindagi tum ko?

agar sahir kahon'nasha kahon ya 

be-khoodi tum ko?

ada keh doon'wafa keh doon, haya 

keh doon agar tum ko?

agar sahil kahon'kashti kahon ya 

nakhudha tum ko?

agar taqdeer ya inaam ya kismat 

kahon tumko?

agar guncha kahon' lala kahon ' 

nargis kahon tum ko?

kahon main jaan ya jana ya 

jaan-e-jaan tum ko?

agar jharna kahon'darya 

kahon'sagar kahon tum ko?

kiran keh doon , ghata keh doon 

ya phir rim jhim kehon tum ko

agar jugnu keh dpoon, shaula 

kahon' shabnam kahon tum ko?

agar sheesha kahon' moti kahon 

'reesham kahon tum ko?

yeh sarey naam teri zaat key pehlu 

sehi laiken________

magar jachta nahin koi yeh sarey

naam fani hain!

tumhara nam aisa hi..........

jo tum ko javidan ker day

tumhain poora bayan ker day

suno ay meharban larki!

buhat hi soch ker main ney

tumhara naam rakha hai

"mohabbat"____naam__ _ 

kaisa hai ?

"mohabbat" jo kabhi marti nahin...