Mujhe yaad hai Pichle saal inhi dinon main

Mujhe yaad hai.....>

Pichle saal inhi dinon main Main ne 

tumhen apne ander Saatween baar qatal 

ker k wahin kahin Kisi weerane main 

dafan ker dia tha...

Aur tumhari qabar Faramoshi k bhaari 

patharon se bhar di the... Aur is se bhi 

pehle aik baar Door-daraaz se aane waale

Kisi diyo-haikal parindon k paron se...

Aur is se bhi pehle aik baar Bilkul inhi 

dinon Main ne tumhen mukammal tour 

per jala ker Tumhari raakh taiz behte howe 

dariya main baha di thi...

Lekin is saari jaan-kuni k ba-wajood

Tum aaj phir hemesha ki tarah

Meri aankhoon main aankhen daale

Mere dil ko apni mutthi main jakrre

Mere saamne kharre ho...!!!