Kal Hamesha ki tarah us nay

Kal Hamesha ki tarah us nay kaha 

yeh phone par ...

Main bohot masroof hoon, mujh ko 

bohot sey kaam hain ...

Is liye tum aao milney, mai to aa 

sakti nahi ...

Har riwaayat torr kar is baar main ne 

keh diya ...

Tum jo ho masroof to main bhi bohot 

masroof hoon ...

Tum agar ghamgeen ho, main bhi 

bohot ranjoor hoon ...

Tum thakan sey choor to main bhi 

thakan sey choor hoon ...

Jaan-e-man hai waqt mera bhi bohot 

hi qeemti ...

Kuch puraanay doston nay milnay aana 

hai abhi ...

Main bhi ab farigh nahi, mujh ko bhi 

laakhon kaam hain ...

Warna kehney ko to sab lamhey 

tumhare naam hain ...

Meri Aankhein bhi bohat bojhal hain, 

sona hai mujhe ...

Ratjago'n k baad ab neendon main 

khona hai mujhe ...

Main lahoo apni anaaon ka baha sakta 

nahi ...

Tum nahi aateen to milney main bhi aa 

sakta nahi ...

Us ko yeh keh ke WASI main nay receiver 

rakh diya ...

Aur phir apni anaa k paaoon pay sar 

rakh diya ...