widget

Thursday 13 November 2014

Meri Raat0n Ki Rahat Din Ka Itmenaan Le Jana


Meri Raat0n Ki Rahat Din 
Ka Itmenaan Le Jana.
Tumhare Kaam Aaye Ga Ye 
Samaa'n Le Jana.

Tumhare Baad Kya Rakhna 
Anaa Se Waasta Koi.
Tum Apne Sath Mera Umer 
Bhar Ka Maan Le Jana.

Shikista K Kuch Rezay Pare 
Hi Farsh Per Chun Lo.
Ager Tum Jorh Sakte Ho Tu 
Ye Gul-Dan Le Jana.

Udhar Almari Me Chand 
Aoraaq Pareshan Hain.
Mere Ye Baqi Maanda Khawab 
Meri Jan Le Jana.

Tumhen Aise Tu Khaali Hath
 Rukhsat Kar Nahi Sakte.
Purani Dosti Hai Us Ki Kuch 
Pehchaan Le Jana.

Irada Kar Liya Hai Tum Ne 
Gar Sach Much Bicharne Ka.
Tu Phir Apne Ye Saare 
Wada-o-Peman Le Jana.


No comments:

Post a Comment