widget

Wednesday 12 June 2013

Agar Tum Mujh Ko Mil Jaatey


Agar Tum Mujh Ko Mil Jaatey Bohat 
Mumkin Tha Merey Paaon, Meri Zeest K Kaantey Nikal 
Jaatey,,

Bohat Mumkin Tha Meri Raah K 

Pathar Pighal Jaatey Jo Deewaarein 
Merey Raste Mein Haayel Thein..

Merey Aagey Se Hatt Jaatein Agar 

Tum Aankh Utha Kar Dekh Letey 
Kohsaaron Ki Taraf Aik Pal
Chataanein Ik Tumhari Junbash-e-
Abroo Se Katt Jatein,,

Bohat Munkin Tha Angaaron Bhari 

Iss Zindegaani 
Mein Tumhaarey Paaon K Ujley 
Kanwal Khiltey Rafaaqat ki Sunehri 
Jheel Mein,,

Dono ke Aks-e-Zofishaa'n Hiltey

 Bus Ik Khaab-e Musalsal ki Faza Rehti,,

Hamari Rooh Kab Ham Se Khafa 

Rehti Yeh Sab Kuch Ain Mumkin Tha
 Agar Tum Mujh Ko Mil Jaatey,,







No comments:

Post a Comment