widget

Tuesday, 22 April 2014

Meri Nigaah Ki Hadd Se



Meri Nigaah Ki Hadd Se 
Nikalna Chaahta Hai 
Ek Aftaab Sar-e-Shaam 
Dhalna Chaahta Hai 

Mera Mizaaj Bhi Kheenchi 
Huwi Lakeer Hai Kiya ? 
Ye Zaawiyon ki Tarah Kiyon 
Badalna Chaahta Hai 

Zaraa Si Der Sukoon Chaahta 
Hai Mera Dimaagh 
Zaraa Si Der Ye Dil Bhi Behalna 
Chaahta Hai 

Meray Qareeb Se Besaakhiyaan 
Hata Li Jaayen 
Mera Zameer Bhi Pairon Se 
Chalna Chaahta Hai 

Qadam Qadam Pe Ye Sab 
Laghzishen Hain Kis k Sabab 
Hai Kon jo Meray Andar 
Sambhalna Chaahta Hai 

Wo Dil k Jis Pe Raha Hi Nahi 
Mera Qaaboo 
Ab Ehtiyaat k Saanchey Mein 
Dhalna Chaahta Hai....