widget

Wednesday, 30 April 2014

Qalam Dil Mein Dubota Hoon


Qalam Dil Mein Dubota Hoon 
Chand Lafzon Ko Likhta Hoon,
Jo Baatein Dil Pe Lagti Hain 
Unhi Baaton Ko Likhta Hoon,

Mein Shayar Hoon Meri 
Veeraniyan Jab Hadd Se Barhti 
Hain,
Ussi Lamhe Dhunwan Uthta Hai 
Aur Aahon Ko Likhta Hoon,

Mein Lafzon Ko Nahi Ehsaas Ko 
Tehreer Karta Hoon,
Na Ghazlon Ko Na Nazmon Ko 
Faqat Jazbon Ko Likhta Hoon,

Kabhi Tanha Jo Hota Hoon 
Takhayyul Mein Bhi Rehta Hoon,
Purane Dard Ke Lamhe Nayi 
Sochon Ko Likhta Hoon,

Kabhi Aisa Bhi Hota Hai Shab 
Bhar Jaagta Hoon Mein,
Jo Dilse Munsalik Rehti Hain 
Unn Yaadon Ko Likhta Hoon,

Lahoo Dilse Nikalta Hai Kaleja 
Moonh Ko Aata Hai,
Kisi Ko Kya Khabar Jab Bhi 
Kabhi Ghazlon Ko Likhta Hoon..